Në kuadër të Projektit Erasmus+ MEDIATOR – Modernizimi i Arsimit përmes Ndërhyrjes në Mosmarrëveshje dhe Trajnimit për Gatishmëri Profesionale, më 14–16 shtator 2026, në Universitetin Roma Tre – Fakulteti i Drejtësisë, u mbajt Forumi Ndërkombëtar për Ndërmjetësimin.
Oda e Ndërmjetësuesve të Kosovës (ONDK), si partnere në Projektin MEDIATOR, ishte pjesë e këtij Forumi, duke kontribuar në shkëmbimin e përvojave dhe praktikave ndërkombëtare në fushën e ndërmjetësimit.
ONDK u përfaqësua nga Kryetarja Ganimete Xhelili, e cila së bashku me Dukagjin Lekën, Koordinator i Projektit MEDIATOR, prezantuan temën: “Ndërmjetësimi në Kosovë: Gjendja aktuale”
Gjatë Forumit u diskutuan zhvillimet dhe praktikat e ndërmjetësimit në Kosovë, Shqipëri, Itali, Letoni dhe Holandë, si dhe praktikat e trajnimit dhe forcimit të kapaciteteve profesionale.
Projekti MEDIATOR, i financuar në kuadër të Erasmus+ Capacity Building, synon modernizimin e edukimit juridik dhe forcimin e kapaciteteve profesionale në fushën e ndërmjetësimit në Kosovë dhe Shqipëri.
Pjesëmarrja e ONDK-së në këtë Forum përbën një mundësi të rëndësishme për bashkëpunim ndërkombëtar, shkëmbim të praktikave të mira dhe avancimin e mëtejshëm të ndërmjetësimit në Kosovë.
