Pejë, 15 shkurt 2022 – Kryeprokurori i Prokurorisë Themelore në Pejë, Agim Kurmehaj priti në takim Kryetaren e Odës së Ndërmjetësuesve të Kosovës, Ganimete Xhelili. Pjesë e takimit ishin edhe zëvendësi, Ersan Qavolli dhe Kushtrim Kelmendi, zyrtar në zyrën e ndërmjetësimit në Pejë, ndërsa nga ONDK anëtari i Bordit të ONDK, përfaqësuesi i rajonit të Pejës, Haxhi Iberdemaj dhe përfaqësuesi i rajonit të Mitrovicës, Mentor Boja.
Kryetarja Xhelili njoftoi për së afërmi kryeprokurorin Kurmehaj lidhur me çështjet aktuale dhe angazhimet e ONDK-ës në shumë sfera e të cilat kanë për qëllim përmirësimin e ushtrimit të profesionit të ndërmjetësuesit në njërën anë, ndërsa në anën tjetër edhe kontribuojnë në rritjen e efikasistetit në përgjithësi në sistemin e drejtësisë.
Palët u dakorduan për përkrahje, bashkëpunim dhe koordinim të mëtutjeshëm drejt fuqizimit të procesit të ndërmjetësimit bazuar në rezultate dhe efikasitet.
