Prishtinë, 24 mars 2022 – Kryetarja e Odës së Ndërmjetësuesve të Kosovës, Ganimete Xhelili, priti në takim Shawn Waddoups, Drejtor nga Byroja Ndërkombëtare për Narkotikë dhe Zbatim të Ligjit (INL) – Ambasada Amerikane në Kosovë, Pete Swanson, Drejtor i FMCS-së, David Moora dhe Emily Rife, Komisionerë në FMCS.
Në këtë takim, u diskutua për iniciativat, sfidat dhe nevojat e Odës dhe të ndërmjetësuesve në përgjithësi.
Gjithashtu u diskutua për rëndësinë e projektit dhe hapat e bashkëpunimit me Odën për Trajnim të Trajnuesve në fushën e Ndërmjetësimit, projekt i Akademia e Drejtësisë e Kosovë në bashkëpunim me Ministrinë e Drejtësisë dhe Shërbimin Federal të Ndërmjetësimit dhe Pajtimit (FMCS) të SHBA-së, të mbështetur dhe të financuar nga Zyra për Çështje Ndërkombëtare të Narkotikëve dhe të Zbatimit të Ligjit (INL) pranë Ambasadës së SHBA-së.
Kryetarja Xhelili, tha se ONDK, do të përkrah dhe bashkëpunojë me këtë projekt duke vlerësuar të rëndësisë së veçant për procesin e ndërmjetësimit, ndërmjetësuesit dhe qytetarët të cilët i drejtohen ndërmjetësimit si zgjidhje alternative dhe të lehtë për zgjidhjen e kontesteve apo mosmarrëveshjeve.
Drejtori Waddoups, theksoi se së bashku me ekipin e tij, për këtë projekt të cilin e kanë filluar me Akademinë e Drejtësisë, do të promovojë ndërmjetësimin si profesion i lirë ligjor, për zgjidhjen sa më të lehtë dhe të shpejtë të kontesteve apo mosmarrëveshjeve dhe specializimin e ndërmjetesuesve, derisa synohet që në bashkëpunim me Odën të promovohet e fuqizohet edhe më tej procedura e ndërmjetësimit në Kosovë.
Pjesëmarrësit në këtë takim u dakorduan për hapat e bashkëpunimit në vazhdim, të rëndësisë dhe qëllimeve të përbashkëta karshi avancimit të ndërmjetësimit në vend.
