𝐔 𝐦𝐛𝐚𝐣𝐭 𝐩𝐮𝐧ë𝐭𝐨𝐫𝐢𝐚 𝐢𝐧𝐭𝐞𝐫𝐚𝐤𝐭𝐢𝐯𝐞 𝐞 𝐨𝐫𝐠𝐚𝐧𝐢𝐳𝐮𝐚𝐫 𝐧𝐠𝐚 𝐎𝐝𝐚 𝐞 𝐍𝐝ë𝐫𝐦𝐣𝐞𝐭ë𝐬𝐮𝐞𝐬𝐯𝐞 𝐭ë 𝐊𝐨𝐬𝐨𝐯ë𝐬 𝐝𝐡𝐞 𝐃𝐡𝐨𝐦𝐚 𝐄𝐤𝐨𝐧𝐨𝐦𝐢𝐤𝐞 𝐞 𝐆𝐫𝐚𝐯𝐞 𝐭ë 𝐊𝐨𝐬𝐨𝐯ë𝐬 – 𝐆𝟕, 𝐦𝐞 𝐦𝐛ë𝐬𝐡𝐭𝐞𝐭𝐣𝐞𝐧 𝐞 𝐏𝐫𝐨𝐠𝐫𝐚𝐦𝐢𝐭 𝐭ë 𝐔𝐒𝐀𝐈𝐃-𝐢𝐭 𝐃𝐫𝐞𝐣𝐭ë𝐬𝐢𝐚 𝐊𝐨𝐦𝐞𝐫𝐜𝐢𝐚𝐥𝐞.

𝐏𝐫𝐢𝐬𝐡𝐭𝐢𝐧ë, 𝟏𝟕 𝐝𝐡𝐣𝐞𝐭𝐨𝐫 𝟐𝟎𝟐𝟒 – Punëtoria mblodhi së bashku ndërmjetësuese të licencuara dhe gra ndërmarrëse, duke ofruar një përvojë unike për përfitimin e njohurive të reja dhe shkëmbimin e ndërsjellë të ekspertizës dhe shkathtësive nga profesionet e tyre.

Në formatin e një platforme interaktive, përmes takimeve të shpejta dhe diskutimeve në grup, pjesëmarrëset ndanë njohuri dhe shkathtësi mbi dëgjimin aktiv, teknikat e negocimit, zbutjen e tensioneve, menaxhimin e kohës, dokumentimin e proceseve, depërtimin në treg dhe tema të tjera me interes të përbashkët, të cilat synojnë fuqizimin dhe rrjetëzimin profesional të grave në këto fusha.

Ky aktivitet është rezultat i bashkëpunimit të formalizuar përmes Memorandumit të Bashkëpunimit ndërmjet Odës së Ndërmjetësuesve të Kosovës dhe Dhomës Ekonomike të Grave të Kosovës – G7, me përkrahjen e Programit të USAID-it Drejtësia Komerciale.